မြန်မာ - နိုင်ငံတကာအသိုင်းအ၀ိုင်းအနေဖြင့် တရားမျှတမှုနှင့် တာဝန်ယူမှု တာဝန်ခံမှုရှိရေး သေချာစေရမည်။

05
Jul

မြန်မာ – နိုင်ငံတကာအသိုင်းအ၀ိုင်းအနေဖြင့် တရားမျှတမှုနှင့် တာဝန်ယူမှု တာဝန်ခံမှုရှိရေး သေချာစေရမည်။

(၂၀၁၉ ခုနှစ် ဇူလိုင်လ ၃ ရက်နေ့၊ ဂျီနီဗာမြို့) မြန်မာနိုင်ငံအတွက် ကုလသမဂ္ဂလူ့အခွင့်အရေးကောင်စီမှ ၂၀၁၈ ခုနှစ် စက်တင်ဘာလတွင် ဖွဲ့စည်းပေးခဲ့သည့် သီးခြားလွတ်လပ်သော စုံစမ်းစစ်ဆေးရေးယန္တရား (Independent Investigative Mechanism for Myanmar – IIM) မှ ပြည့်ဝသော လုပ်ငန်းလည်ပတ် အကောင်အထည်ဖော်ဆောင်ရွက်မှုများ မြန်ဆန်စွာ လုပ်ဆောင်နိုင်ရန်အတွက် နိုင်ငံတကာအသိုင်းအ၀ိုင်းကို The Asia Forum on Human Rights and Development (FORUM-ASIA)၊ ရှေ့ပြေးအသံအဖွဲ့ (PV)နှင့် မြန်မာနိုင်ငံ ပွင့်လင်းမြင်သာမှု ၊ တာဝန်ယူမှု နှင့် တာဝန်ခံမှုဆိုင်ရာ အရပ်ဘက်မဟာမိတ်အဖွဲ့ (MATA) တို့မှ တောင်းဆိုလိုက်သည်။ လူ့အခွင့်အရေးကောင်စီ၏ (၄၁) ကြိမ်မြောက် ပုံမှန်အစည်းအဝေး၌ ကုလသမဂ္ဂ၏ မြန်မာနိုင်ငံလူ့အခွင့်အရေးအခြေအနေဆိုင်ရာ အထူးကိုယ်စားလှယ် မစ္စ ရန်ဟီးလီ မှ နောက်ဆုံး အခြေအနေများ တင်သွင်းမှုအပြီးတွင် ၎င်းတို့မှ ထိုတောင်းဆိုမှုကို ပြုလုပ်ခဲ့ခြင်းဖြစ်သည်။

လူ့အခွင့်အရေးကောင်စီအနေဖြင့် IIM အား ဖွဲ့စည်းရန် ဆုံးဖြတ်ခဲ့ပြီး (၉) လ အကြာတွင် IIM ၏ လုပ်ငန်း ဆောင်ရွက်မှု ခြေလှမ်းများ နှေးကွေးခြင်းနှင့် ယနေ့အချိန်အထိ လုပ်ငန်းလည်ပတ် အကောင်အထည်ဖော် ဆောင်ရွက်မှု မရှိနေသေးသည့်အပေါ် စိတ်ပျက်မိကြောင်းနှင့် ၎င်းအပေါ် စိုးရိမ်ပူပန်ကြောင်း ကုလသမဂ္ဂအထူး ကိုယ်စားလှယ်မှ ထုတ်ဖော်ပြောဆိုခဲ့သည်။ IIM အနေဖြင့် အချက်အလက်ရှာဖွေရေးမစ်ရှင် (Fact‐Finding Mission – FFM) မှ ဖော်ဆောင်ထားသော လုပ်ငန်းများကို အောင်မြင်စွာ ဆက်လက် အကောင်အထည် ဖော်ဆောင်နိုင်ရန် မျှော်မှန်းထားပြီး ၎င်း၏လုပ်ငန်း လည်ပတ်အကောင်အထည်ဖော်ဆောင်ရွက်နိုင်မှု နှောင့်နှေး ကြန့်ကြာခြင်းများက နိုင်ငံတကာဥပဒေအရ အဆိုးဆုံးသော နိုင်ငံတကာ ရာဇ၀တ်မှုများအား စုံစမ်းစစ်ဆေး နိုင်ရန် လစ်ဟင်းချက်များကို ဖြစ်ပေါ်စေပါသည်။ မြန်မာစစ်တပ်မှ ကျူးလွန်ထားသော ရခိုင်ပြည်နယ်အတွင်းရှိ ရိုဟင်ဂျာလူမျိုးအပေါ် လူမျိုးတုံးသတ်ဖြတ်မှု၊ နှင့် ကချင်ပြည်နယ်၊ ရခိုင်ပြည်နယ်နှင့် ရှမ်းပြည်နယ်များတွင် လူသားဖြစ်တည်မှုအား ဆန့်ကျင်သော ရာဇ၀တ်မှုများ၊ စစ်ရာဇ၀တ်မှုများနှင့် ပတ်သက်၍ ခိုင်မာသည့် သက်သေအထောက်အထားများအား ရှာဖွေဖော်ထုတ်နိုင်ခဲ့သည့် သမိုင်းဝင်အစီရင်ခံစာ တစ်စောင်ကို လူ့အခွင့်အရေးကောင်စီမှ ဖွဲ့စည်း တာဝန်ပေးအပ်ခဲ့သော FFM မှ တင်သွင်းခဲ့ပြီးနောက် IIM ကို လူ့အခွင့်အရေးကောင်စီက ၂၀၁၈ ခုနှစ် စက်တင်ဘာလတွင် ဖွဲ့စည်းခဲ့ခြင်း ဖြစ်သည်။

မိမိတို့အနေဖြင့် အထူးကိုယ်စားလှယ်မှ အကြိမ်ကြိမ်တောင်းဆိုခဲ့သည့် မြန်မာနိုင်ငံအား အပြည်ပြည်ဆိုင်ရာ ရာဇ၀တ်တရားရုံး (ICC) သို့ လွှဲပြောင်းရန် (သို့မဟုတ်) နိုင်ငံတကာ ရာဇ၀တ်မှု ကျူးလွန်သူများအား သီးခြားလွတ်လပ်သည့် ခုံရုံးတစ်ရပ်ရပ်သို့ လွှဲအပ်ရန် ဆိုသည့်အချက်ကို ပြန်လည်ထင်ဟပ် တောင်းဆို လိုက်သည်။ မြန်မာနိုင်ငံသည် ICC ၏ ရောမစာချုပ်ကို လက်မှတ်ရေးထိုးထားသည့် နိုင်ငံတစ်ခု မဟုတ်သည့်အတွက် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်ဖြင့်သာ မြန်မာနိုင်ငံကို ICC သို့ လွှဲပြောင်းနိုင်မည်ဖြစ်သည်။ “မြန်မာနိုင်ငံနှင့်ပတ်သက်၍ မတူညီမှုများကို ဘေးဖယ်ထားပြီး ယခုအခြေအနေနှင့် ကွဲပြားစေမည့် ခိုင်မာသော ဆုံးဖြတ်ချက်တစ်ရပ် ချမှတ်နိုင်ရေးအတွက် နည်းလမ်းတစ်ရပ် ရှာဖွေရန်နှင့် ညီညွတ်ကြရန် ကုလသမဂ္ဂလုံခြုံရေးကောင်စီတွင် တာဝန်ရှိကြောင်း” အထူးကိုယ်စားလှယ်မှ ပြောကြားခဲ့သည်။ ကုလသမဂ္ဂလုံခြုံရေးကောင်စီရှိ လက်ရှိတစ်ဆို့မှုများကြောင့် အစုအပြုံလိုက် သတ်ဖြတ်မှု ကျူးလွန်သူများအား လွတ်မြောက်သွားစေရန်နှင့် မကြာသေးမီက ကမ္ဘာအရပ်ရပ်မှ မြင်သိခဲ့ရသည့် အဆိုးရွားဆုံး ရာဇ၀တ်မှုများ အပေါ် အပြစ်ပေး အရေးယူခံရခြင်းမှ ကင်းလွတ်ခွင့်ရနေသည်ကို အဆုံးသတ်ရန်အတွက် ကုလသမဂ္ဂလုံခြုံရေး ကောင်စီအနေဖြင့် တာဝန်ရှိမှုကို မလျော့ပါးစေသင့်ပေ။

 

အထူးကိုယ်စားလှယ်မှ လူ့အခွင့်အရေးကောင်စီသို့ တင်သွင်းသော အချက်အလက်များတွင် အကြီးစား စက်မှုလုပ်ငန်းများနှင့် စီးပွားရေးလုပ်ငန်းများကြောင့် လူ့အခွင့်အရေးချိုးဖောက်မှုခံရမှုများနှင့် သဘာဝ ပတ်ဝန်းကျင်ဆိုင်ရာ ဆိုးကျိုးသက်ရောက်မှုများကိုလည်း မီးမောင်းထိုး ဖော်ပြထားပါသည်။ Wuxi Huagaung Electric Power Engineering မှ လည်ပတ်ဆောင်ရွက်နေသော ရှမ်းပြည်နယ် တီကျစ်ကျောက်မီးသွေးသုံး လျှပ်စစ်ဓါတ်အားပေးစက်ရုံ အနီးတွင် နေထိုင်သူ လူဦးရေ ၁၂,၀၀၀ ခန့်မှာ ညစ်ညမ်းမှုမြင့်မားခြင်းနှင့် ရေနှင့် လေတွင်ပါဝင်နေသော လူကိုအန္တရာယ်ဖြစ်စေသည့် အကြီးစား ဒြပ်သတ္တုများကြောင့် ဆိုးရွားသော ကျန်းမာရေး ထိခိုက်မှုများကို ခံစားနေရပါသည်။ စက်ရုံကြောင့် ညစ်ညမ်းမှုများသည် အဓိကရေလှောင်ကန်အား အဆိပ်သင့်သွားစေပြီး အနီးအနားရှိ စိုက်ပျိုးရေးလုပ်ငန်းနှင့် လူထုကျန်းမာရေးအပေါ် ပြန်လည် မကုစားနိုင်သော ထိခိုက်မှုများကို ဖြစ်ပေါ်စေသည်။ စက်ရုံအနီးတစ်ဝိုက် ဒေသရှိ ကလေးငယ်များ၏ ဆံပင်နမူနာအား ဓါတ်ခွဲစစ်ဆေးချက်ရလဒ်များအရ လူကိုအန္တရာယ်ဖြစ်စေသည့် အကြီးစားဒြပ်သတ္တုများနှင့် ကက်ဒမီယံ ပါဝင်မှုနှုန်း အလွန်မြင့်မားစွာ ပါဝင်နေသည်ကို တွေ့ရှိရပြီး ၎င်းမှာ ဆိုးရွားသော လူထုကျန်းမာရေး ပြဿနာတစ်ရပ်အသွင် ဖြစ်နေပါသည်။ မြန်မာအစိုးရသည် ကုလသမဂ္ဂကလေးသူငယ်များဆိုင်ရာ အခွင့်အရေး သဘောတူညီစာချုပ် (CRC) အား လက်မှတ်ရေးထိုးထားပြီး ယခုကဲ့သို့ ကလေးသူငယ်များအပေါ် ကျန်းမာရေးထိခိုက်မှုများအား လစ်လျှူရှုထားခြင်းသည် အဆိုပါ သဘောတူညီချက်အား ပြောင်ပြောင် တင်းတင်း ချိုးဖောက်နေခြင်းဖြစ်သည်။

တီကျစ်ကျောက်မီးသွေးတွင်းနှင့် စက်ရုံအား ချက်ချင်းရပ်ဆိုင်းရန်နှင့် ထိခိုက်ခံစားရသော ကလေးသူငယ်များ နှင့် လူထုအတွက် ပြန်လည်ကုစားမှုများပြုလုပ်ပေးရန်အတွက် မြန်မာအစိုးရအား မိမိတို့မှ တောင်းဆို လိုက်သည်။ ထို့အပြင် Wuxi Huagaung အပါအ၀င် အစိုးရနှင့် ကျောက်မီးသွေးတွင်းတူးဖော်သူများကြားရှိ ပွင့်လင်းမြင်သာမှုကင်းမဲ့သည့် စာချုပ်ပါ တာဝန်ဝတ္တရားများအား ဖြည့်ဆည်းရန်အတွက် အများပြည်သူဆိုင်ရာ ရန်ပုံငွေသုံးစွဲရာနှင့်ပတ်သက်ပြီး ပွင့်လင်းမြင်သာမှုနှင့် တာဝန်ယူမှု တာဝန်ခံမှုဆိုင်ရာ မေးခွန်းများ ယခုထိ ရှိနေဆဲဖြစ်သော အစိုးရအရာရှိများမှ ရန်ပုံငွေ အလွဲသုံးစားပြုမှု ဖြစ်နိုင်ခြေအားလည်း စုံစမ်းစစ်ဆေးရေးတစ်ရပ် မဖြစ်မနေ ပြုလုပ်ရပါမည်။

မန္တလေးရှိ ကျောက်မီးသွေးသုံး အယ်ဖာဘိလပ်မြေစီမံကိန်း တိုးချဲ့မှုကြောင့် ကျန်းမာရေး၊ သဘာဝ ပတ်ဝန်းကျင်နှင့် အသက်မွေးဝမ်းကျောင်းမှုအပေါ် ဆိုးရွားသည့် ထိခိုက်မှုများ ဖြစ်လာမည့်အပေါ် ဆန္ဒထုတ်ဖော်နေကြသည့် ဒေသခံပြည်သူများအား ဖြိုခွင်းရန် ရဲအင်အားအလွန်အကျွံ အသုံးပြုမှုသည်လည်း လူ့အခွင့်အရေးအခြေအနေအား ထင်ထင်ရှားရှား ပိုမိုဆိုးရွားလာစေသည်။ မေလ ဆန္ဒပြမှုအတွင်း ဖမ်းဆီးထိန်းသိမ်းခြင်းခံရသည့် ဒေသခံရွာသားတစ်ဦးသည်လည်း ညှဉ်းပန်းနှိပ်စက်ခံရသည့် လက္ခဏာများနှင့် အကျဉ်းထောင်အတွင်း သေဆုံးခဲ့ပါသည်။  ဧပြီလအတွင်းကလည်း ဖားကန့်ဒေသ၌ သဘာဝပတ်ဝန်းကျင် ဆိုင်ရာ စည်းမျဉ်းစည်းကမ်းများ လိုက်နာကျင့်သုံးစေရန် ဆောင်ရွက်မှု ပျက်ကွက်သည့်အတွက် ကျောက်စိမ်း တူးဖော်သူ ၅၄ ဦး မြေပြိုမှုအတွင်း သေဆုံးခဲ့ရသည်။

မြန်မာအစိုးရနှင့် ကုမ္ပဏီများအနေဖြင့် သဘာဝပတ်ဝန်းကျင်ဆိုင်ရာ ကာကွယ်ခြင်း အစီအမံများအား တာဝန်ယူ လိုက်နာဆောင်ရွက်ရာတွင်  ကုလသမဂ္ဂ၏ စီးပွားရေးနှင့် လူ့အခွင့်အရေးဆိုင်ရာ လမ်းညွှန်စံနှုန်းများ အပါအဝင် နိုင်ငံတကာ စံနှုန်းများအတိုင်း တိကျ လုံလောက်စွာ ကျင့်သုံးရန် မဖြစ်မနေ လိုအပ်ပြီး တချိန်တည်းမှာပင် ဒေသခံများအနေဖြင့် တုံ့ပြန်အရေးယူခံရမှုအတွက် တစ်စုံတရာ စိုးရိမ်ပူပန်မှု မရှိဘဲ ၎င်းတို့၏ နစ်နာချက်များ တင်ပြနိုင်မည့် ဝန်းကျင်တစ်ရပ်ကိုလည်း  ဖော်ဆောင်ပေးရန် လိုအပ်သည်။

မြန်မာစစ်တပ်မှ ထိန်းချုပ်ထားသော စီးပွားရေးလုပ်ငန်းများ၏ ဘဏ္ဍာပြင်ပ ရန်ပုံငွေများသည်  အပြစ်ပေး အရေးယူခြင်း မခံရသည့် နိုင်ငံတကာ ရာဇဝတ်မှုများ ဆက်လက်ကျူးလွန်နိုင်ရန်နှင့် လူနည်းစုများအပေါ် အမုန်းတရားများနှင့် အကြမ်းဖက်မှုများ ဖြစ်ပွားအောင် လှုံ့ဆော်သည့် ဗုဒ္ဓဘာသာ အမျိုးသားရေး အစွန်းရောက်အဖွဲ့များ၏ လှုပ်ရှားမှုများအား အထောက်အပံ့ဖြစ်စေလျှက်ရှိသည်။ မြန်မာစစ်တပ်အနေဖြင့် ၎င်းတို့ ကျူးလွန်သည့် ရာဇဝတ်မှုများကို တာဝန်ယူမှု တာဝန်ခံမှု ရှိလာစေရန်အတွက် အဆိုပါ စစ်တပ်မှ ထိန်းချုပ်ထားသည့် လုပ်ငန်းကြီးများအပေါ် နိုင်ငံတကာ၏ တုံ့ပြန်အရေးယူမှုတစ်ရပ် မလွဲမသွေ လိုအပ်လျှက်ရှိသည်။ မြန်မာစစ်တပ်နှင့် ဆက်နွယ်သည့် ဘဏ္ဍာရေး နှင့် တခြားကူညီပံ့ပိုးမှုများအား ဖြတ်တောက်ရန် ကုလသမဂ္ဂ၏ FFM မှ နိုင်ငံတကာအသိုင်းအ၀ိုင်းသို့ တောင်းဆိုချက်အား မိမိတို့အနေဖြင့် ကြိုဆိုပါသည်။ နိုင်ငံတကာရင်းနှီးမြှပ်နှံသူများအနေဖြင့်လည်း မြန်မာစစ်တပ်မှ အရပ်သား၊ နှင့် တိုင်းရင်းသားနှင့် ဘာသာရေး လူနည်းစုများအပေါ် ဆက်လက်ကျူးလွန်နေသည့် ရာဇဝတ်မှုများတွင် ကြံရာပါအဖြစ် ပါဝင်ခြင်း လုံးဝ မပြုသင့်ပါ။

မကြာသေးမီကာလတွင် ရိုက်တာသတင်းထောက် ကိုဝလုံးနှင့် ကိုကျော်စိုးဦးတို့ လွတ်မြောက်မှုနှင့် Myanmar Now အယ်ဒီတာ ကိုဆွေဝင်းအပေါ် တရားစွဲဆိုခြင်းများ ပလပ်ခဲ့မှုကို တွေ့ရှိရသည့်တစ်ချိန်တည်းမှာပင် မြန်မာစစ်တပ်အပေါ် ဝေဖန်ထောက်ပြမှုများအတွက် အလွန်ပြင်းထန်သောဥပဒေများ အသုံးပြုပြီး လွတ်လပ်စွာ ထုတ်ဖော်ပြောဆိုခွင့်အား ဆက်လက် နှိပ်ကွပ် ပိတ်ပင် တားဆီးမှုများအပေါ် လွန်စွာစိုးရိမ်ကြောင်း ကုလသမဂ္ဂ အထူးကိုယ်စားလှယ်မှ ပြောဆိုခဲ့ပါသည်။ ထို့အပြင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ မှတ်တမ်းများအရ နိုင်ငံရေးအကျဉ်းသား ဦးရေသည်လည်း ပြီးခဲ့သည့်လများအတွင်း တိုးပွားလာကြောင်း သိရှိရသည်။ ၂၀၁၉ ခုနှစ် ဇွန်လ အချက်အလက်များအရ နိုင်ငံရေးအကျဉ်းသား စုစုပေါင်း ၄၆၆ ဦး ရှိပြီး ၎င်းတို့အနက် (၃၄) ဦးမှာ ပြစ်ဒဏ်ချမှတ်ခံရပြီးဖြစ်ကာ ၁၆၁ ဦးသည် အကျဉ်းသားဘ၀ဖြင့် အမှုစီရင်ချက်အား စောင့်ဆိုင်းနေလျှက်ရှိပြီး အကျဉ်းထောင်ပြင်ပမှ အမှုရင်ဆိုင်လျှက်ရှိသူ ၂၇၁ ဦး ရှိပါသည်။

ကုလသမဂ္ဂ အထူးကိုယ်စားလှယ်၏ တင်ပြချက်များအရ  ရခိုင်ပြည်နယ်မြောက်ပိုင်းနှင့် ချင်းပြည်နယ် တောင်ပိုင်းတို့တွင် တိုးပွားလာနေသော ပဋိပက္ခများကြောင့် လူဦးရေ ၃၅,၀၀၀ သည် နေရပ်မှ ထွက်ပြေးတိမ်းရှောင်ခဲ့ရပြီး လူဦးရေ ၉၅,၀၀၀ ခန့်မှာ သွားလာခွင့် ကန့်သတ်ခံရခြင်းကြောင့် အစာရေစာနှင့် အခြား အခြေခံလိုအပ်ချက်များ ပြတ်တောက်လျှက်ရှိသည့် အခြေအနေတွင် ရုန်းကန်နေရကြောင်း သိရှိရသည်။ ရခိုင်ပြည်နယ်ရှိ မြို့နယ် (၈) မြို့နယ် နှင့် ချင်းပြည်နယ်၊  ပလက်ဝမြို့နယ်တို့တွင် အင်တာနက်လိုင်းများအား ဖြတ်တောက်ထားမှုကြောင့် သတင်းအချက်အလက်ပြတ်တောက်မှုနှင့် ရင်ဆိုင်နေရသည်မှာ ယနေ့ဆိုလျှင် (၁၃) ရက်တိုင်တိုင် ရှိပြီ ဖြစ်သည်။

ရိုဟင်ဂျာလူမျုိးစုအနေဖြင့် လူမျိုးတုံးသတ်ဖြတ်သည့် ကိစ္စရပ်အပေါ် တရားမျှတမှု ရရှိရန် စောင့်ဆိုင်း နေသည်မှာ (၂) နှစ်နီးပါးရှိပြီ ဖြစ်သည်။ လူဦးရေ (၁) သန်း နီးပါးသော ရိုဟင်ဂျာများသည် ဘင်္ဂလားဒေရှ့်နိုင်ငံ၊ ကော့ဘဇားရှိ ဒုက္ခသည်စခန်းများတွင် ဆိုးရွားလှသော အခြေအနေများနှင့် ရင်ဆိုင်ခံစားနေရဆဲဖြစ်သည်။ စက်တင်ဘာလ ၂၀၁၈ ခုနှစ်တွင် ထုတ်ပြန်ခဲ့သော ကုလသမဂ္ဂအချက်အလက်ရှာဖွေရေးမစ်ရှင်၏ အစီရင်ခံစာအရ မြန်မာစစ်တပ်မှ ကျူးလွန်သည့် ရခိုင်ပြည်နယ်အတွင်းရှိ ရိုဟင်ဂျာများအပေါ် လူမျိုးတုံး သတ်ဖြတ်မှု၊ နှင့် ကချင်ပြည်နယ်၊ ရခိုင်ပြည်နယ်နှင့် ရှမ်းပြည်နယ်များတွင် လူသားဖြစ်တည်မှုအား ဆန့်ကျင်သော ရာဇ၀တ်မှုများ၊ စစ်ရာဇ၀တ်မှုများနှင့်ပတ်သက်၍ တရားမျှတမှုနှင့် တာဝန်ယူမှု တာဝန်ခံမှု ရရှိရေး သေချာစေရန်အတွက် ကမ္ဘာ့ကုလသမဂ္ဂလူအခွင့်အရေးကောင်စီနှင့် နိုင်ငံတကာအသိုင်းအဝိုင်းများတွင်  တာဝန်ရှိပါသည်။ ကုလသမဂ္ဂအဖွဲ့ဝင်နိုင်ငံများအနေဖြင့် မြန်မာနိုင်ငံအတွင်းရှိ လူ့အခွင့်အရေး အခြေအနေနှင့် ပတ်သက်၍ ခိုင်မာသော ရပ်တည်ချက် ပြသရန်နှင့် တရားမျှတမှုနှင့် တာဝန်ယူမှု တာဝန်ခံမှု ဖော်ဆောင်ရေး ဆိုင်ရာ ကြိုးပမ်းအားထုတ်ရာတွင် လူ့အခွင့်အရေး အခြေခံမှုများအတိုင်း လိုက်နာဆောင်ရွက်ရေး သေချာစေရန် တောင်းဆိုထားသော ကုလသမဂ္ဂအထူးကိုယ်စားလှယ်၏ တောင်းဆိုမှုကို ထပ်လောင်း ပြောဆိုလိုပါသည်။ နိုင်ငံတကာအသိုင်းအ၀ိုင်း၏ အရေးယူရန် ပျက်ကွက်မှုသည် မြန်မာနိုင်ငံသားများအပေါ် အကြွေးတင်နေသော တရားမျှတမှု ဖော်ဆောင်ရေးကို ကြန့်ကြာစေမည်သာ ဖြစ်သည်။

 

ထပ်မံသိရှိလိုပါက ဆက်သွယ်ရန်

  • UN Advocacy Programme, Forum-ASIA, una@forum-asia.org
  • ခင်ဥမ္မာ၊ Progressive Voice၊ မြန်မာ၊ +၁၅ ၇၉၉ ၂၈၃၉၅
  • အောင်ကျော်မိုး၊ မြန်မာနိုင်ငံပွင့်လင်းမြင်သာမှုနှင့် တာဝန်ယူမှု တာဝန်ခံမှု အရပ်ဘက်မဟာမိတ်အဖွဲ့၊ +၉၅ ၉၅၂ ၂၈၄၄၆
  • ရဲလင်းမြင့်၊ မြန်မာနိုင်ငံပွင့်လင်းမြင်သာမှုနှင့် တာဝန်ယူမှု တာဝန်ခံမှု အရပ်ဘက်မဟာမိတ်အဖွဲ့၊ +၉၅ ၉၇၉ ၁၆၈ ၅၀၅၆၊ +၃၃ ၆၈ ၀၁၂ ၈၈၈၄

 

You are donating to : MATA

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
Loading...